ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សហរដ្ឋអាមេរិកជំរុញសម្ពាធដល់មេដឹកនាំកងទ័ពស៊ូដង់ឱ្យចូលរួមកិច្ចចរចាបទឈប់បាញ់ដើម្បីបញ្ចប់សង្គ្រាមស៊ីវិល

  • ចុះផ្សាយថ្ងៃទី១៥ ខែសីហា ឆ្នាំ២០២៤ ម៉ោង ១៣:៤៩ នាទី ដោយ EAC News
  • 1302
  Aa |   aA

អន្តរជាតិ៖ សហរដ្ឋអាមេរិកបានស្នើដល់កងទ័ពស៊ូដង់ឱ្យចូលរួមកិច្ចចរចាស្តីពីការបញ្ចប់សង្រ្គាមដ៏សាហាវដែលកំពុងកើតមាន ខណៈដែលកិច្ចពិភាក្សាស្ដីពីការបញ្ចប់សង្គ្រាមផ្ទៃក្នុងនេះបានធ្វើឡើងនៅឯប្រទេសស្វីស ដោយមានការចូលរួមតែពីភាគីម្ខាងទៀតប៉ុណ្ណោះ។ សង្គ្រាមនៅស៊ូដង់បានផ្ទុះឡើងកាលពីខែមេសា ឆ្នាំ២០២៣ កន្លងទៅ រវាងកងទ័ពស៊ូដង់ក្រោមការគ្រប់គ្រងរបស់លោក Abdel Fattah al-Burhan និងកងកម្លាំង (RSF) ដែលដឹកនាំដោយលោក Mohamed Hamdan Daglo។

ក្នុងកិច្ចពិភាក្សានៅឯប្រទេសស្វីស ដោយអវត្តមានរបស់លោក Abdel Fattah al-Burhan នៅពេលកិច្ចពិភាក្សាចាប់ផ្តើម រដ្ឋមន្រ្តីការបរទេស Antony Blinken បានស្នើឱ្យមានការទាក់ទងតាមទូរសព្ទភ្លាមៗទៅកាន់លោក Burhan ដើម្បីឱ្យលោកចូលរួមក្នុងកិច្ចពិភាក្សានេះ។ អ្នកនាំពាក្យក្រសួងការបរទេសអាមេរិក លោក Vedant Patel បញ្ជាក់ថា ក្នុងកិច្ចសន្ទនាតាមទូរសព្ទ លោក Blinken បានរំលេចពីភាពចាំបាច់របស់លោក Burhan ដែលជាភាគីដែលចាំបាច់ក្នុងកិច្ចពិភាក្សានេះ។ ជាងនេះទៅទៀត លោក Blinken ក៏បានលើកឡើងអំពីភាពចាំបាច់នៃការចូលរួមពីសំណាក់ភាគីទាំងពីរ ដើម្បីបញ្ចប់សង្រ្គាម និងធានាការផ្តល់ជំនួយមនុស្សធម៌សម្រាប់ប្រជាជនស៊ូដង់រាប់លាននាក់ដែលកំពុងរងគ្រោះ។ 

លោក Tom Perriello បេសកជនពិសេសរបស់សហរដ្ឋអាមេរិកនៅក្នុងប្រទេសស៊ូដង់ថ្លែងថា "វាគប្បីជាពេលវេលាដ៏ស័ក្តិសមបំផុតមួយដើម្បីបញ្ចប់សំឡេងស្នូរកាំភ្លើង"។ កិច្ចពិភាក្សាដែលរៀបចំដោយសហរដ្ឋអាមេរិកនេះត្រូវបានគេដឹងថានឹងរៀបចំឡើងរយៈពេល ១០ថ្ងៃ ជាលក្ខណៈកិច្ចពិភាក្សាចង្អៀត ខណៈទីតាំងមិនត្រូវបានបញ្ជាក់ឱ្យដឹងជាសាធារណៈឡើយ។

ខណៈដែលគណៈប្រតិភូចលនាកងទ័ព RSF កំពុងចូលរួមក្នុងកិច្ចពិភាក្សានេះ ដោយឡែក កងកម្លាំងប្រដាប់អាវុធស៊ូដង់ (SAF) ឯណោះវិញហាក់មិនពេញចិត្តឡើយនឹងរបៀបរបបនៃកិច្ចពិភាក្សាដែលរៀបចំដោយទីក្រុងវ៉ាស៊ីនតោននេះ។ រដ្ឋមន្ត្រីប្រព័ន្ធផ្សព្វផ្សាយស៊ូដង់លោក Graham Abdelkader បាននិយាយនៅមុនកិច្ចពិភាក្សាថា រដ្ឋាភិបាលកំពុងច្រានចោល "អ្នកសង្កេតការណ៍ថ្មី ឬភាគីចូលរួមដទៃ" បន្ទាប់ពីទីក្រុងវ៉ាស៊ីនតោនបានទទូចឱ្យមានការចូលរួមរបស់ប្រទេសអារ៉ាប់រួមក្នុងឋានៈជាអ្នកសង្កេតការណ៍។

កន្លងមក កងកម្លាំងយោធាស៊៊ូដង់បានចោទប្រកាន់អារ៉ាប់រួមម្តងហើយម្តងទៀតថាបានគាំទ្រចលនាយោធា RSF ខណៈអារ៉ាប់រួមតែងបានបដិសេធ និងច្រានចោលការចោទប្រកាន់នេះ៕



ព័ត៌មានជាច្រើនទៀតសម្រាប់អ្នក